Funtzionamendua
Balaki eskalada gelako barne antolaketako zutabeak hauek dira
Autonomia mailak
Balaki eskalada gela soka gela bat da. Binazka eskalatzen da: bat igotzen da eta besteak asuratzen du.
Gelara heltzean, bakoitzak bere autonomia maila emaiten dio saio arduradunari eta araberako xingola lotzen bere harnesan:
- gorria: hasi berria
- horia: soka gainetik autonomo
- berdea: buruz autonomo
Bakoitzaren autonomia maila aldatzen ahal da urtean zehar.
Hautatutako kolorearen arabera, pratikanteak afixa honetako kontsignak segitu beharko ditu (afixa hau gelan ere ikusgai da)
Adibidez:
- Bi xingola gorri ez dira elgarrekin aritzen ahal
- Xingola gorri bat xingola hori edo berde batetaz lagundua izan behar da asuratzen ikasteko
- Xingola hori batek ez du laguntzarik gabe norbait buruz asuratzen ahal
Sekuritatea
Arrokako monitoreek kudeaturiko kurtsoetaz, ikastaroetaz eta formakuntzetaz aparte, eskalada pratika osoki praktikanteen ardurapean egiten da. Autonomian ari dira, zaintzarik eta gidatzarik gabe.
Publikoak sekuritate teknikak menperatu behar ditu, bere eta besteen sekuritatea segurtatzeko gisan.
Igo aintzin, praktikanteak gelan ikusgai diren sekuritate panelak irakurri eta ulertu beharko ditu.
Materiala
Gelan ez da material alokatzerik. Soilik sokak hornituak dira. Bakoitza bere materialarekin etorri beharko da: xapinak, harnesa eta asuratzeko tresna.
Berez trabatzen diren asuratzeko tresnak baizik ez dira onartuak. Praktikanteak tresnaren erabilpena menperatu behar du, eta beharrez kontseiluak galdegin saio arduradunei.
Magnesia onartua da baina xuhurki erabiltzea galdegina da, eta ahalaz haurrek ez hunkitzea.
